السلام عليكم ورحمه الله وبركاته
كيفكم ان شاء الله كلكم بخير وصحة وسلامة
اليوم بنصلح (( برقر الدجاج )) بطريقة لذيذة ...
اليوم بنصلح (( برقر الدجاج )) بطريقة لذيذة ...
المقادير ||
* بالنظر و على حسب الافراد الي بياكلون بعطيكم الاساسيات وانتوا وذوقكم الشخصي
- صدر دجاج بدون عضم
- بودرة بصل او بصلة صغيرة تفرم ناعم بالخلاط
- بودرة ثوم او ثومة تفرم ناعم
- مقدار كف بقدونس
- ملح وفلفل اسود
- وفلفل حار اختياري الي مايبي لايحط
- بهارات << زنجبيل كمون قليلا من الليمون يعني الحامض
الطريقة ||
1- تخلط جميع المقادير في الخلاط خلاط ست البيت الي فيه شفرة
2- بعدين تسوينها على شكل اقراص وتضعين تحتها كيس علشان ماتلصق بالصحن
3- وتدخل للفريزر نص ساعه او خمس عشر دقيقة علشان تتماسك
4- ثم تشوى على تاوة ممسوحة بالقليل من الزيت اهم شي تكون التاوة ساخنة
* تسخنين التاوة على نار متوسطة علشان ماتحرق لك البرقر
5- و نشوي البرقر من الجهتين كل جهه تقريبا خمس دقايق علشان تضمنين استوئها
6- اذا نضجت تماما تحطين شريحة جبن تشيدر وتغطين المقلاة بغطاء علشان يذوب
الجبن وقدميها مع الصوص الي تبغين
- انا قدمتها مع خس و خردل 
# ملاحظة || لو ماتماسك الدجاج معاك ممكن تحطين ملعقة دقيق بس انا كانت الكمية عندي قليلة و ماحتجت للدقيق
سوها وعطوني رايكم فيها
الي يصلحها يمنشن لي صورتة على حسابي بالتويتر أو الإنستقرام
و بالعافيه
لاتنسون تتابعوني على
واذا اعجبتكم التدوينة انشروها
لاتنسون دعم المدونة بمتابعتها والاشتراك فيها من هنا
اشوفكم بتدوينة ثانية
ومع السلامة
ليست هناك تعليقات:
إرسال تعليق