السلام عليكم ورحمة الله وبركاتة
شخباركم ان شاء الله انكم كلكم طيبين
اليوم بقدم لكم عجينة لا مثيل لها
رهيبه بشكل وطريه وطعمها حلو جدا من حلاوتها ما يحتاج تحط فيها حشوه اي والله دايم اكلها كذا حافه بدون حشوه مع شاي يا سلااااام سلم
وهي العجينه اليابانيه التانق زونق
وهالعجينه عباره عن مرحلتين المرحلة الاولى هي عملية اعداد التانق زونق وهالتانق زونق < اسمه ياباني من قلب
عباره عن خليط مثل قوام المهلبيه ويشبه للبشاميل الي نسويه مع المكرونه
حنا محتاجين لـ
كوب ماء
ثلاث ملاعق دقيق ابيض
لازم نذوبها اول قبل ما نحطيها على النار علشان ما تتكتل
وبعد ما نذوبها نحطها ( يعني نضعها ) على نار متوسطة الى ان تثقل يكون قوامها مثل المهلبيه
ونحطها بصحن ونغلفها بالنايلو الشفاف ونتركهها علي درجة حراره الغرفه ولو مستعجلين حطوها بالثلاجه اهم شي ان
التانق زونق ما يكون حار ابد علشان ما يخرب لك العجينة
اللحين نبداء بالعجينه وهي عباره عن
كوبين ونص دقيق ابيض
ملعقه كبيره خميره فورية
ملعقه صغيره ( حقت تحريك الشاي ) ملح
فنجال سكر
1 بيضة
اصبع زبده توضع بالتدريج
بياله ماء او علي حسب الاحتياج اهم شي تكون عندك عجينه قابلة للفرد مثل ما تشوفونها
ولا ننسى خليط التانق زونق
تخلط المقادير كلها مع بعض
نحط العجينه بكيس نايلو ونقفل عليه بس نترك مساحة للعجين لانه بيتخمر وبيتضاعف حجمه
ونترك العجين ساعه يتخمر شوفوا لما تخمرت انتفخت الكيسة
وبعدها نبداء نشتغل فيه
ونشكله بالشكل الي نبيه
صامولي - سنبون - بيتزا - فطاير مشكله
براحتك اهم شي بعد التشكيل نتركها تتخمر مره ثانيه الى ان يتضاعف حجمها
وبعد التشكيل ندهن الصامولي بحليب القواطي
الحليب الي مثل ابو قوس ولونا علشان يعطينا تحمير حلو وما ينشفها لنا
روعه ريحتها تهبل
كقتراح لهذا الطبق اقترح عليكم تصلحونه مع ميني كودو الدجاج
بعض الملاحضات الي بتهمكم ان شاء الله
لما تطلعون الصامولي من الفرن حطوه علي منشفه خاصه بالمطبخ وغطوه علشان ما يكون يابس وحتى الرطوبة الي بتطلع من الخبز بسبب البخار بتمتصها فوطه المطبخ وبعد الفوطه تحافظ علي الصينيه البايركس علشان صينيه البايركس احيانا تنكسر اذا طلعتوها من الفرن وحطيتوا الصينيه على رخامه المطبخ البارده بالتالي هذا يسبب انكسار للصينيه وبعدين تحزنين علي صينتك
وخاصه اني انا اصور وهي تعجن الله يعافيها ويسلمها ويبعد عنها الهم والحزن
روعه جزاك الله كل خير
ردحذف