السلام عليكم ورحمه الله وبركاته
اليوم ان شاء الله بصلح لكم بسبوسة باللبن "بسبوسة بدون بيض
هالبسبوبسه جميله ومتماسكه وأحلى شي فيها أنها
من غير بيض + من غير زبادي
من غير بيض + من غير زبادي
نبداء :
المقادير
كوب لبن
نص كوب ماء
كوب سكر
نص كوب زيت
كوبين سميد " ناعم "
كوب جوز الهند
2 فنجال حليب بودرة
نص ملعقه كبيرة بكنج بودر
نعمل شيرة " قطر "
كوب سكر
كوب ماء
ذرات فانيليا <<= توضع على نار مرتفعه الى ان يذوب السكر ويكثف السكر
اهم شي يكون السكر ذائب
الطريقة
اولا : نجهز الصينية بدهنها بقليل من الطحينة السائلة فقط طبقة خفيفه + نسخن الفرن على درجه حرارة متوسطه ونبداء نشتغل
ثانيا : نخلط المقادير السائلة " لبن + ماء + سكر + زيت " السكر علشان يذوب
ونتركها على جنب الى ان نجهز المقادير الجافة
ثالثا : نضع المقادير الجافة " السميد + جوز الهند + البكنج بودر + حليب البودرة " مع بعض ثم نخلطها مع المواد السائلة
وبعدين نضعها بالصينة المدهونه بالطحينه السائله
ونتركها تختمر لمدة خمس دقايق وهالخطوة جدا مهمة علشان تختلط المكونات مع بعض
وندخلها بالفرن المسخن سابقا <<= تاخذ تقريبا 35 د <= وكل وحده يختلف فرنها عن الثانيه
أهم شي يكون سطح البسبوسة ذهبي
لما نطلعها مع الفرن نصب عليها الشيرة < الشيرة لازم تكون حارة و صينيه البسبوسه تكون حاره
ونتركها ألى ان تبرد ونقطعها
ملاحظه : البسبوسه لازم عند التقطيع تكون بارده تماما علشان ما تتفتت
اتمنى تجربون البسبوسة وتستمتعون بطعمها مع " القهوة العربية "
وبالعافية عليكم
اشوفكم بتدوينة ثانيه
ومع السلامة ...
لاتنسون تتابعوني على
واذا اعجبتكم التدوينة انشروها
لاتنسون دعم المدونة بمتابعتها والاشتراك فيها من هنا
ليست هناك تعليقات:
إرسال تعليق