السلام عليكم ورحمه الله وبركاته
اليوم بشارككم طريقة مجربة ومضمونة لإزالة اثار الحبوب البنية
* جميعها من تجربتي
لان انا جتني فترة وجههي امتلاء حبوب بسبب استخدامي لفيتامين البايوتين
فبكتب لكم ايش سويت
1- لازم تشربون ماء كل ساعه كوب ماتتخيلون قد ايش الموية تغير البشرة تماما
ممكن تحطون معاها نقاط من ماء الورد او شرائح ليمون
2- يوميا لازم تاكلون برتقالة او تشربون فيتامين سي فوار
معروف ان فيتامين سي يساعد على تجديد الخلايا وايضا يساعد على نزول الوزن
3- استخدام صابونة البابايا
تأكدوا انكم تشترون صابونة البابايا اصليه الاصلية يكون مكتوب عليها نجمه المفيض
فيه انواع منها فيه الي تكون بالحبة السودا وفيه 4في1 وفيه 5 في 1 كلها حلوة اهم شي تكون من نجمه المفيض
هالصابونة رائعه مااستخدم غيرها تزيل الحبوب وتوحد لون البشرة مع الاستمرار
4- يوميا بعد غسل الوجه بالصابونة حطوا سيروم فيتامين سي بطريقة الطبطبة على البشرة
ثم بعدها ترطيب البشرة بـ جل الصبار او اي كريم مرطب خالي من الزيوت
5- الاثنين والخميس سوا تقشير لبشرتكم
افضل مقشر استخدمته هو مقشر القهوة تجيبون بن مطحون وتخلطونة مع الماء ثم تقشرون فيه بشرتكم بحركات دائرية
* مو مهم نوع القهوة تقدرون تستخدمون القهوة التركية او الامريكية او اي بن موجود عندكم
* اذا وجهكم دهني او مختلط استخدموا سكر للتقشير
* اذا وجهكم دهني او مختلط استخدموا سكر للتقشير
6- اعملوا ماسك كل يومين عبارة عن شوفان مطحون
الشوفان ممتاز لإزالة اثار الحبوب عن تجربتي ماحد قالي ولا سمعت من احد انا جربته بنفسي لما استخدمة الاثار تروح بسرعه
ممكن حتى تستخدمونة يوميا تاخذوا شوية شوفان وتقشرون فيه بشرتكم
7- استخدموا اول خمسة ايام من كل شهر كريم اكرتين
ممتاز جدا يقشر البشرة بطريقة لطيفة ويساعد على ان البشرة تظل نظرة ومتجددة و لونها موحد
فيه منه ربع ونص خذوا الربع نفس الموجود في الصورة
* اهم شي بهالوقت لا تستخدمون مقشر او ماسكات فقط استخدموا اكرتين و ترطيب بجل الصبار
كل هالنصائح جربتها بنفسي وشفت اثارها على بشرتي
اتمنى من كل قلبي انكم تستفيدون
لاتنسون كتابة اسئلتكم او تجاربكم لـ توحيد لون البشرة تحت في التعليقات
شكرا على طرح تجربتك ��
ردحذف