السلام عليكم ورحمه الله وبركاته
كيفكم ان شاء الله انكم بخير وصحة وعافيه
اليوم بشارككم تجربتي مع
( مكنسة روبوت )
* تجربة ورأي شخصي ....
ابي منكم اقوى نشر للتدوينة ومشاركتها مع اصدقائكم على الواتس اب و التويتر
بدايتي مع مكنسة الروبوت :
اول شي شريت يوفي روبوفاك 11 من مكتبة جرير وكانت ممتازة جدا
تكنس وتنظف من قلب رائعه بس كان فيه مشكلة انها ماكانت تنظف لي الاماكن بالترتيب
هي فيها ثلاث طرق للتشغيل
- اما تنظف الزوايا
- او تنظف بطريقة عشوائية الزكزاك
- او بطريقة التنظيف بالتركيز على مكان واحد
اعجبني تنظيفها بس كانت تقهرني فيه اماكن تنظفها وفيه اماكن ماتجيها
* لما جيت ابي احط لكم رابطها لقيت ان جرير ماصاروا يبيعون هالموديل
* لما افتح علبتها الاقيها زي كذا مليانة غبار وتراب
بعدين... قررت اشتري موديل جديد
كنت مركزة فقط على اني ابيها تنظف بطريقة مرتبة
قررت اشتري Xiaomi Mijia 1C - شاومي سي 1
وطلبتها من علي اكسبريس ووصلتني خلال ثمانية ايام
ممتازة .... تنظف بطريقة السطر تمسك المكان سطر سطر وتنظف تضمن ان كل الاماكن نظيفة
ولما افتح علبتها الاقيها مليان غبار وتراب واشياء
هذا الرابط للي حاب يطلبها من علي اكسبرس
او
ايضا هالموديل تمسح يجي معها قطعه تعبيها موية وتحطها في المكنسة
شوفوا الفديو :
الخلاصة
هي تشفط ولالا ؟؟؟
هي ممتازة وتشفط واذا فتحت العلبة الاقيها مليان غبار وتراب وشعر مع اني اكون مكنسة قبل مع ذلك الاقي فيها اشياء
هل تغني عن المكنسة العادية ؟
- ماتغنيكم لانها تعتبر شي مساعد للتنظيف اليومي بعد الغداء طاحت منكم فتافيت تلمها لكم
- توصل لاماكن صعب تنظيفها بشكل يومي مثل تحت الكنب او تحت السرير تضمنين ان هالاماكن نظيفة دائما
- مرة حلوة طول الوقت بيكون بيتك دايم نظيف ومكنس
مكنسة الروبوت هل تستحق الشراء ؟
تستحق وبشدة
انصحكم تشترونها هدية لامهاتكم بينبسطون عليها وسهلة الاستخدام بس يضغطون على زر التشغيل وهي تشتغل
- تنفع هدية للعرايس
حمد لله يارب الي سخرت لنا هالتكنولوجيا
هذي هي تجربتي مع مكنسة الروبوت
لاتنسون دعمكم بنشر التدوينة شاكرة لكم
مع السلامة
❤
ليست هناك تعليقات:
إرسال تعليق