السلام عليكم ورحمة الله وبركاتة
شخباركم وعلومكم ان شاء الله كلكم بخير وصحة وسلامة
امس صلحت عشاء لاهلي
كنت بصلح كودو ومطلعة دجاج علساس انه كودو
وبعدها اخوي قالي صلحي مسحب
قلت وش مسحب ذا ماعمري سمعت فيه يقول شي يشبة البرستد بس انه صغار وبدون عظام
وعرفت انه يقصد النـقت وبنفس اليوم كنت متابعة لطباخ امريكي يصلح نقت الدجاج
قلت يلا خلني أصلحة اولا نبداء الصورة الحماسية مع الببسي يمي يمي ....
المقادير
علي حسب كمية الدجاج
علي حسب كمية الدجاج
صدور دجاج بدون عظم نقطع الدجاج الي شرائح او مربعات حسب الرغبة والافضل ان الشرائح تكون رقيقة علشان لما نقليها بالزيت تنضج بسرعه
دقيق ابيض( طحين)
ثلاث بيضات تقريبا
بقسماط (فتات الخبز المحمص)
كورن فلكس مطحون ناعم
بهارات كلها مطحونة بكمية متساوية ( زنجبيل - كمون - ملح - فلفل احمر - كركم )
نقلب قطع الدجاج بالدقيق ( ولا ننسى نحط ملح مع الدقيق )
بعدها نخلط البهارات مع البيض و نحط مع البيض ملعقه ماء او حليب
ونخلط البقسماط مع الكورن فلكس المطحون
بعدين نقلب الدجاج بالبيض ثم نقلبه في البقسماط والكورن فلكس
حوسة حوسة يا فشلتي
وهذا شكل الدجاج بعد التقليب ونحطه بالفريزر علشان يتماسك وبعدها نقليه
ويكون الزيت حار بالبداية بعدين نقصر حرارة الزيت للوسط علشان ما ينضج من برا ويكون من جوه ني انتبهوا لهالنقطه
وهذا شكلة بعد القلي
صلحت معاه حمص للتغميس وممكن تصلحون اي صوص انتوا تبونه
ويكون عندك احلى نقت دجاج
انا عن نفسي عجبت اهلي لاني اول مرة اصلح هالنوعية من الاكلات المقلية
تاكلينة مع خبز او تصلحينه سندوتشات
ان شاء الله عجبتكم الطبخه اليوووم
اشوفكم بتدوينة ثانية وطبخه اخرى احلى واحلى
لاتنسون تتابعوني على
واذا اعجبتكم التدوينة انشروها
لاتنسون دعم المدونة بمتابعتها والاشتراك فيها من هنا
ومع السلامة 
ليست هناك تعليقات:
إرسال تعليق